Plantun de Prouvènço

Pèr coumpara dos planto d'encò nostre

Ranunculus montanus & Juniperus thurifera

Ranunculus montanus

Ranunculaceae

Nom en français : Renoncule des montagnes.

Descripcioun :
Lou ranouncle-de-mountagno trachis dins li bos clar e dins li pelouso de mountagno sus siliço. La planto èi pelouso d'en pertout emé un fort rizoumo. La maje part di fueio soun basalo e di 5 partido. Lis akène an un pichot bè e la flour èi d'un jaune bèn daura.

Usanço :
Coume tóuti li ranouncle, es uno planto empouisounanto, pamens couneissèn pas d'usanço particuliero. Escriéure au site se n'en sabès mai.

Port : Erbo
Taio : 10 à 50 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Ranunculus
Famiho : Ranunculaceae

Ordre : Ranunculales

Coulour de la flour : Jauno
Petalo : 5
Ø (o loungour) flour : 2 à 3 cm
Flourido : Printèms - Estiéu

Sòu : Ca
Autour basso e auto : 1400 à 2600 m
Aparado : Noun
Mai à juliet

Liò : Bos clar - Pelouso
Estànci : Mountagnard à Aupen
Couroulougi : Ouroufito-Ouèst-Éuropo
Ref. sc. : Ranunculus montanus Willd., 1799 (= Ranunculus sartorianus Gren., 1847 )

Chai

Juniperus thurifera

Cupressaceae

Noms en français : Genévrier thurifère, Porte-encens.

Descripcioun :
Aquéu chai (noum generi dóu genèbre en mountagno) trachis sus li pendis secarous e cauquié à l'adré d'ùni mountagno. Douno d'èr au mourvèn emé si fueio en escaumo, pamens pòu deveni un pichot aubre. Se destrìo tambèn de la sabino que si grano soun pu grosso (1 cm de diamètre en liogo de 0,5 cm). Lou chai es uno reliclo dóu tèms ounte fasié mai fre e pu se en Éuroupo (-10 000 an B.P.). Trachis forço lentamen.

Usanço :
Soun bos s'apourridis quàsi pas talamen èi dur. Servié à faire de piquet, de cop que i'a de pichòti fusto, de moble o de pichòti besougno (porto-encèns).